Abiazmi’s Weblog
Just another WordPress.com weblog

Korpe

Kabiasaan Pasantren lamun aya kuriak sok dikorpekeun ka para santrina, anu sakirana santri mampuheun . Umpamana lamun nyieun madrasah, Ajengan mere tanggung jawab ka Lurah Santrina keur mimpin atawa ngokolotan santrina pikeun kerja bakti atawa istilahna mah sok disebut korpe.

Istilah “korpe” teuing asal tina bahasa naon. .Ari di pasantren mah istilah korpe dipake keur ngaistilahkeun gawe babarengan kalawan teu aya pamrih nanaon, eta mah ngan seja ta’dhim ka anu jadi guru, anu ngabutuhkeun mereskeun pagawean anu teu kudu dibayar. Komo lamun eta pagawean ngabutuhkeun gancang anggeus pikeun beresna, anu sakirana eta pagawean bakal bisa dipigawe babarengan.

Anapon pagawean anu sok dikorpekun ku ajengan ka para santrina diantarana , ngangkatan barang sangkan pindah tina hiji tempat ka tempat anu pas sangkan tukang atawa laden anu bakal migawena teu jauh teuing tina barang ka tempat anu bakal dipigawena. Umpamana , mindahkeun kenteng, batu, keusik, bata, kayi, semen, beusi jeung sajabana ti jalan raya atawa ti hareupeun imah ajengan ka tempat anu keur dibangun.

Carana lurah santri ngatur korve rupa-rupa ,kumaha barang jeung lobana jelema, Biasana mah sok dicokot gampilna jeung dibutuhkeunna. Umpamana , lamun barang anu kudu dipindahkeun butuh jelema anu kuat tanagana, tah eta mah sok dipilih santri lalaki anu gede, anu seniorna atawa santri anu leah hayang sorangan mantuan anu saluhureunnana sabab manehna ngarasa bisa. Komo lamun barang anu kudu dipindahkeunnana jauh. Naha eta mah ditanggung make salang, atawa make roda atawa make naon bae anu sakirana bisa dipigawe. Masyarat anu ningali, anu ngarasa boga waktu ngarasa hayang mantuan pasantren sok pirajineun mantuan nepika beres atawa mere opieun ka anu korpe.

Ari anu teu matak beurateun mah sok babarengan sakabeh santri , boh santri awewe atawa lalaki , boh leutik atawa gede, kabeh milu gawe. Lamun loba anu migawena, biasana sok diantaykeun atawa dibariskeun , dipisahkeun antayan lalaki jeung awewe . Masing-masing antayan aya anu nalingakeun, inggis aya nanaon jeung supaya anu digawe sumanget migawena. Pikirannana lamun haget migawena bakal gancang beresna.
Enya, eta oge , angger sok aya wae anu ngadon heureuy mah, tapi ari aya anu nalingakeun mah teu pati teuing. Angot lamun anu nalingakeunna mama ajengan atawa ibu ajengan, para santri sok rajeun era lamun seug hareupeunna hareureuy.

Sanggeus ngantay , lurah santri ngomandoan :”Hayu urang ngamimitian samemehna urang babarengan maca bismilah.” Para santri rareang maca bismilah babarengan.
Lamun kenteng atawa bata hiji-hiji atawa dua-dua dijarewang dipapaykeun bari diatur di kahiji nepi katungtungna. Tara loba , sieun beurateun, inggis murag keuna kana suku atawa peupeus atawa beulah . Anu penting mah, sanajan saeutik-saeutik tapi remen tantu bisa gancang beresna.

Belum Ada Tanggapan to “Korpe”

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: