Abiazmi’s Weblog
Just another WordPress.com weblog

Naon Bet Pegat Hareupan

Di pipir imah Mang Udi jeung Mang Amir ngobrol kaditu kadieu bari ngasur-ngasur suluh di hawu .Ceuk udi : “Nya, lamun dipikiran terus mah moal aya beresna sagala masalah oge. Dipigawe, prak pigawe. Neangan kumaha migawena mah engke lamun geus prak dipigawe. Anu dipigawe ulah bet anu beurat heula, anu gampil anu kaduga ku sorangan anu diheulakeun . Lamun anu bisa diheulakeun sok kajurung migawe anu rada hese. Tah biasana sok panasaran hayang nyobaan mereskeun anu hese. Anu hese dipikiran terus, lamun teu kapanggih karek nanyakeun ka ahlina. Meureun ari sawarehna geus rengse mah moal numpuk teuing masalah teh. Jeung anu mantuan oge ari saeutik mah moal pati embung. Teu era deuih ari nanyakeun teu loba teuing mah. “

“Nya Amir! Ngarasa era nanyakeun anu teu nyaho, matak darurat pikeun sorangan. Moal matak bisa ngarengsekeun masalah. Ari anu ditanyakeun loba pisan lain eta wungkul. Lamun anu ieu era nanyakeun, torojol aya deui masalah anu teu nyaho deui, era duei nanyakeun, teu nyaho deui, era deui. Terus kitu, moal aya kamajuannana. Da gening ari masalah mah teu sirik mah unggal waktu aya.” Lanceukna , Mang Usman milu mamatahan.

“Matak ceuk kolot mah ulah sok pegat hareupan. Pegat hareupan dosa..” Mang Udi nembalan deui.

“Naon, kuring geus pegat panghareupan kitu ?.” Mang Amir motong caritaan Mang Udi.

“Nya atuh, silaing mah siga geus pegat penghareupan bae. Pagawean ngalamun. Siga euweuh wae pagawean. Padahal pagawean silaing loba. Budak reuay, saopat-opat. Keur biaya sakola mindeng telat, da gening ti sakola sok remen nagih. Pamajikanna remen buad baeud tambah mindeng kakaburan, alatan teu kabalanjaan. Imah kontrakan jeung tagihan listrik geus lila teu ka bayar. Si Batak ampir unggal poe neangan, alatan boga hutang. Eta masalah kabeh teu cukup ku dilamunan. Kudu dibereskeun nuntutan, salagi masih boga umur, sehat tur jagjag . Ulah cukup ku ngadahar lamun tangkal sugan.” Mang Usman ngajawab soal Mang Amir.

“Pikir wae ku Akang. Kurang kumaha kuring neangan gawe ka ditu ka dieu, ari pagawean weleh teu manggihan. Ti isuk-isuk kuring indit nepika arek maghrib, geus saminggu tuluy-tuluyan , weleh euweuh anu butuheun pagawean kuring. Teu arek pegat panghareupan kumaha kuring ? Ari dulur , sarua teu pati baroga. Ngan saukur pas-pasan. Arek minangsaraya menta bantuan oge era parada, sieun kalahka diwehwelan.” Mang Amir ngabudalkeun sawareh eusi hatena.ka lanceukna.

Torojol Mama Ajengan nyampeurkeun bari mawa bibit tangkal jenjen.”Mang Amir, Mama boga sarebu tangkal jenjen. Ari kahayang Mama mah bisa kapelakkeun ti mimiti poe ayeuna. Naha Mang Amir aya waktu lamun poe ayeuna ka Gunung jeung Mama melakkeun tangkal jenjen?”

“Mangga Mama!” jawab Amir bakat ku atoh.
“Tah kitu Mir, naon bet pegat hareupan!” Mang Udi ngaharewos ka Mang Amir

Belum Ada Tanggapan to “Naon Bet Pegat Hareupan”

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: