Abiazmi’s Weblog
Just another WordPress.com weblog

Ngaliwet

Di pasantren aya istilah ngaliwet. Ngaliwet boga harti nyangu dina kasrol. Nyanguna heunteu kudu ngagigihan heula, brus wae beas diasupkeun kana kastrol. Ngisikanna dina kasrol, diisikan heunteu make boboko sakumaha biasana ngisikan. Wur dicaian kira-kira dua ramo curuk.

Ngitung saurangeun dahar ku sasangkir atawa sagelas beas. Lamun anu arek daharna opat urang , cukup ku opat gelas. Cukup porsi anu diatur kitu , sakumaha ilaharna santri ngaliwet.

Ari awaktuna ngaliwet, biasana isuk-isuk jeung sore atawa peuting. Dahar beurang mah biasana dihijikeun ngaliwetna dina waktu isuk-isuk. Kumaha babadamian ti awalna.

Tempatna ngaliwet sok dingaranan tungku. Satungku sok aya opat atawa lima kasrolna. Lamun seug anu ngaliwetna lobaan sok kajeun gentian.

Ngaliwet anu kaliwatan salian ti sangu sok aya kerak. Anu rersep kerak mah waktuna ngaliwet ditambahan. Waktuna ngaliwet teu kurang satengah jam atawa paling gancang saparapat jam, kumaha seuneuna wae.

Waktu ngaliwet remen bareng jeung waktuna mandi atawa nyeuseuh pakean. Saacan nyeuseuh atawa mandi diheulakeun neangan suluh keur ngaliwet. Lamun seug hese neangan suluh, komo lamun geur hujan, biasana santri neangan sendal anu papalimpang atawa sendal anu ngan sabeulah.

Ari neangan suluh ka tukang tungku, anu unggal saminggu sakali dikumpulkeun meunang ngala babarengan ti leuweung atawa ti kebon tatangga pasantren. Ari neangan sendal mah di gigireun masjid pasantren atawa di paragi miceun runtah, boh eta mah runtah santri atawa tatangga pasantren.

Kacida bedana ngaliwet make suluh jeung make sandal. Anu ngabedakeunnana eta rasana. Make sendal mah aya istilah bau karet, da enya pisan make sandal karet. Teu cara make suluh rasana sakumaha dahar biasa bae. Ngan ari make sandal ngeunahna bisa ditinggalkeun mandi atawa nyeuseuh teu kudu make diasur-asur . beda deui jeung make suluh . ari make suluh mah aya istilah gentian ngasur-ngasurna , komo lamun haying gancang asak.

Anu resep kana sangu liwet mah pipina sok rajeun ngembang, da eta ceunah ari liwet mah tara loba anu dipiceun cai beana teh. Sangu biasa mah ngisikanna beresih pisan, nepi sababaraha kali balenan.

Belum Ada Tanggapan to “Ngaliwet”

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: