Abiazmi’s Weblog
Just another WordPress.com weblog

Meunang Untung Tina Enteng

Geus ampir sabulan milu ulubiung reureu jeungan, milu ngariung jeung tukang untung. Rek teu disebut untung kumaha, modal sajuta jadi sapuluh atawa nepika saratus jutana.

Kumaha rek moal untung , meuli barang nu ku batur mah geus dilapurkeun, dipiceun alatan geus jadi runtah pamiceunan. Ari ieu , bet dicokot dimanfaatkeun. Dipilihan , mana anu masih keneh dipake, jeung mana anu barang berharga, jeung mana anu kudu dipiceun bari boga untung.

Lain jelemana, anu teu resep kokotoran , rurujitan, kekebulan, ludang ledong mah. Lain jelemana, anu resep ngahoding, olo-olo,gagayaan, polontong,sok menak, sok terpelajar, sok rapih, sok beresih, sok pinter, sok pejabat, sok beunghar, sok santri, sok gegengsian. Lain pisan anu kararitu. Jauh pisan jeung kitu mah.

Sesa sangu anu geus teu kadahar kunu beunghar , anu geus dipiceun dina wadah runtah, anu geus digembrong ku laleur, anu geus kakebulan , anu geus bararau, anu geus pacampur jeung sagala rupa, dicokotan , dibersihan, dipoekeun, digaringkeunn, dijual ka pabrik pakan , dicampur jeung anu lian, digiling dihijikeun nepika lembut, diplastikan dipak , dimerekan, dijual ditoko, dibeuli kua anu boga ingon-ingon , dipake maraban meri, hayam, lauk atawa ingon-ingon anu lain anu butuheun.

Naek kana mobil runtah, miluan nurunkeun runtah. Runtah geus ka handap dipilihan, dipisahkeun, dicokotan anu sakirana bisa dipoteahkeun. Sanajan dina wadah runtah, dina mobil runtah, jeung dina tempat miceun runtah bararau, teu pati dianggap, da boga kadaek hayang ngamanpaatkeun anu ku batur dianggap runtah, bisa dimanfaatkeun ,bisa pake , dijual, bisa meunang kauntungan.

Lamun heunteu biasa mah bisa utah uger. Ulah nyanghareupan, atawa aya dina lingkungan runtah anu deukeut kacida, malah mah ditincakanna. Irung anu ngambe dideukeutkeun pisan jeung sumber bauna. Lamun kabeneran ngaliwat mobil runtah oge urang nu tara biasa, asa kaganggu ku ngaliwatna mobil runtah. Komo ieu lamun nyanghareupan pisan. Piraku teu bauna. Memang manehna mah teu siga baueun ,da boga tekad anu naker hayang ngala kauntungan. Da ari bab bau mah sarua wae jeung anu tara biasa. Ngan teu dirasa.

Pagawean anu kitu mah pikeun jalma anu daekan, anu rajin, anu pinter neangan peluang.anu daek cape, anu daek gawe beurat, anu daek bobolokot, anu daek peurih, anu daek dihina ku batur. Kabeh oge loba resikona. Jarang jelema anu daek cara kitu, iwal jalma anu hayang maju. Moal kabagean jalma anu ngedul mah. Pagawean kitu mah pikeun jalma anu siap kurang sare, kurang istirahat, kurang piknik, kurang senang-senang. Nepika terkadang mah kudu daek paseanan, atawa paloba-loba omong.

Kabehannana, kacida untungna pikeun jalma anu daekan. Daekan ibadah , karana Alloh. Pagawean kitu mah loba manfaatna, boh pikeun dirina sumawonna pikeun anu lian. Komo lamun bari resep ngaluarkeun kahadean ka anu lian tina hasil kauntunganna

Belum Ada Tanggapan to “Meunang Untung Tina Enteng”

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: