Abiazmi’s Weblog
Just another WordPress.com weblog

Ulin di Buruan Pasantren Assalafiyyah Batujajar

Mama resepeun pisan ka anu janten putuna. Da eta wae, upami Mama angkat-angkatan sok dicandak. Bade angkat ngawurukan, icalan, milarian barang icaleun, silaturahmi ka wargi-wargi atanapi upami aya uleman, boh anu cakeut atanapi anu tebih.

Maksadna mah ngajak ameng , hiburan barudak, sakantenang heunteu secara langsung ngadidik/pembelajaran kanggo murangkalih.Sanes ti kitu oge sakantenan ngauningakeun ka para putuna ka sadaya wargi-wargina , ulah nepika pareumeun obor. Langkung-langkung upami nuju pere sakola. Liburan sakola mah sok dicandak silaturahmi sareung wargi-wargi anu tebih. Anjeunna sok ngahaja ngajajapkeun putuna ka wargi-wargi anu tebih salami lubaran sakolana. Kanggo ngadalitkeun sareung wargi-wargina anu tebih sareung nambihan pangalaman.

Pasantren salian ti keur kagiatan ngaji para santri, oge sok dijadikeun tempat ulin barudak. Pasantren jadi tempat kumpul barudak anu ngadon ucing-ucingan , gatrik, maen gampar, rerebonan, maen anggar-anggaran, maen bandring, maen dar-daran, maen kaleci, maen gambar, maen panggal, maen karet, maen sapintrong, maen langlayangan, ngadu muncang, jeung rea-rea deui.
Kabeneran di pasantren aya lapangan pingpong, lapangan badminton, aya balong, aya bak paragi wudlu anu panjangna genep meter, anu lebarna dua meter.

Ari waktuna arulin barudak ti mimiti pukul sapuluh nepika arek maghrib. Eta we, lamun barudak geus baralik ti sakola, sakapeung mah tara bet langsung balik ka imah, kalahka ka pincut hayang miluan ulin jeung anu geus ti heula ulin. Atuh arulinna teh make seragam sakola. Komo laum geus dimimitian diajak maen kalece atawa gambar. Kabeneran maranehna teh ka sakolana mawa kaleci jeung gambar, lantaran lamun waktu istirahat atawa samemeh asup jeung balik sakola sok maen gambar heula.
Kumaha usumna, lamun seug keur usum kaleci ,rame anu ngadu kaleci, lamun usum gambar, rame maen gambar, lamun usum panggal rame maen panggal, saterusna anu lain-lainna oge kitu.
Aya oge babarengan usumna, aya anu maen gambar , aya anu maen kaleci, atawa maen anu lainna.

Beda deui anu hubunganna jeung pangaresep atawa hobi. Eta mah tara kapangaruhan ku usum. Unggal poe oge rame anu ngadon ngembangkeun bakatna. Seperti anu bakat kana pingpong, rutin latihan pingpongna. Anu hobi badminton, rutin latihan batmintonna. Anu resep maen bola , rutin latihanna.
Badminton jeung pingpong mah rata-rata anu resepeunna teh para rumaja. Ari sepak bola mah teu kolot , teu budak pada resep. Komo lamun aya Agustusan, sok aya kompetisi, antara sakola, antara desa/daerah, antara kecamatan , antara group sepak bola, atawa anatara perusahaan, jeung sajabna.

Belum Ada Tanggapan to “Ulin di Buruan Pasantren Assalafiyyah Batujajar”

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: