Abiazmi’s Weblog
Just another WordPress.com weblog

Super Market Tatanggana dimana?

“Ari ku ayana super market di kampung urang loba manfaatna, teu?” ceuk tukang rokok ka tukang sol.

“Ah, teuing atuh. Da kuring mah can pernah asup-asup acan ka super market teh, komo balanjana. Meureun wae, lamun keur anu loba duit mah, bakal remen balanjana, Cenah mah, balanja didinya loba hadiahan, loba diskonna, tempatna oge beresih teu jiga di pasar, bararau. Anu nungguanna oge gareulis. Tapi sanajan kitu, rarasaan mah ti bareo saprak aya eta, asa can pernah barang bere ka kuring, anu miskin. Jeung aya kadenge mere kadaharan ka anu ngaji rutinan di masjid atawa di madrasah. Teu cara pa Haji Sholeh , anu boga warung di pengkolan, unggal malem Jum’at teh mere kadaharan ka anu sholawatan, ari muludan sok mere congcot jeung deungeun ngopina, malah mah sok mere amplop sagala lamun arek lebaran teh. Sok mere daging lamun idul adha. Teuing ari super market eta sok sholawatan, sok muludan, sok mayar zakat, sok qurban tara?” jawaban tukan sol ka baturna.

“Ah, ari maneh kamana bae. Ari anu boga super market mah lain bangsa urang-urang atuh. Maranehna mah kolongmerat. boa dimana cicingna oge. Boa Islam, boa lain islam. boa-boa teu mikiran kana kapentingan agama mah. Keur maranehna mah untung wae dipikiranna teh. Kumaha sangkan modal bisa ngarebut kauntungan anu kacida lobana, ku cara kumaha wae. Tara mikiran batur. naha kuayana super market teh bakal ngarugikeun anu tukang dagang di pasar, atawa anu modalna saeutik.Naha ku ayana super market teh bakal ngabangkrukkeun atawa heunteu. Ngan ari saya mah boga perinsip, ari balanja mah mening ka H, Sholeh wae, geus nyata kahadeanna, super market mah can katingali sosialna sanajan katatanggana oge. Meureun, anu boga super market mah teu ngarasa boga tatangga urang-urang, tatangga maranehna mah dimana boa. Memang Gue pikirin, ceuk maranehna teh.” tukang rokok nyeramahan si udin jeung baladna.

“Kumaha ari ka pejabat marere , teu?” si udin nembal.

“Is, puguh wae ari ka pejabat mah. Sabab pamikiranna anu mere izin pejabat. Lamun teu hade mah ijinna dicabut.Meureun kitu oge.” tukang sol nempas pertanyaan si udin.

“Geus ayeuna mah kiieu bae, urang do’akeun H. Sholeh sing dipanjangkeun umurna, dibarokahkeun rizqina, loba anu meuli, loba batina ameh loba deui merena.” ceuk tukang rokok bari ngaleos muru mobil angkutan anu karek datang.

“Amiin, amiin, amiin, ” tukang sol jeung si udin milu ngado’akeun pa Haji Sholeh.

Belum Ada Tanggapan to “Super Market Tatanggana dimana?”

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: